اوپن سینڈوچز

اوپن سینڈوچز

سینڈوچز

سینڈوچ گھر میں بچوں کے ساتھ ساتھ بڑوں کو بھی بےحد پسند آتا ہے، اور یہ آج کل ہر جگہ ہی ملتا بھی ہے۔

لیکن کتنا اچھا ہو کہ اگر یہی مزیدار کلب سینڈوچ آپ اپنے گھر پر خود تیار کریں۔

Method(1)

ingredients

اجزاء

½ پاؤ۔۔۔                         مچھلی یا مرغی کا پکا ہوا گوشت،

باریک کٹی ہوئی۔۔۔             باریک ہری پیاز،

ایک کھانے کا چمچ۔۔۔           مایو نیز،

دو کھانے کا چمچ۔۔۔             دودھ،

دو کھانے کے چمچ ۔۔۔          مکھن،

ایک جوا۔۔۔                          لہسن،

½ کپ ۔۔۔                         کش شدہ پنیر،

ایک عدد۔۔۔                         انڈا،

ڈبل روٹی کے سلائسز،         نمک و سیاہ مرچ۔

ترکیب

مرغی یا مچھلی کے پکے ہوئے گوشت میں مایونیز، ہری پیاز، پنیر ، نمک و سیاہ مرچ حسبِ ذائقہ ملائیں۔  سلائسز کو بیلن سے دبا دبا کر بیل کر گول کٹر سے درمیان سے گول سلائسز بنا بنا کر رکھیں اور ان پر ایک طرف مکھن لگائیں۔ مکھن والی سائیڈ پر مرغی کی فلنگ رکھ کر دوسری گول سلائس کو اْوپر دبا دیں۔ انڈا اور دودھ پھینٹ کر ان سینڈوچز کو اِسی محلول میں ڈبو ڈبو کر تیل میں تل کر گولڈن کر لیں

Method(2)

ingredients

ضروری اشیاء

مرغی کا  گوشت( ابال کر ریشہ کر لیں )۔۔۔۔۔۔۔ ایک کپ

بند گوبھی (چوپ کر لیں ) ۔۔۔۔۔۔۔۔۔ ایک کپ

گاجر( کدو کش کی ہوئی)۔۔۔۔۔۔۔۔۔ آدھا کپ

شملہ مرچ( چھوٹی کاٹ لیں ) ۔۔۔۔۔۔۔۔ ایک عدد

پیاز( چوپ کر لیں ) ۔۔۔۔۔۔۔۔ ایک عدد

دودھ ۔۔۔۔۔۔۔۔۔ دو کپ

میدہ ۔۔۔۔۔۔۔۔ ایک کھانے کا چمچہ

نمک۔۔۔۔۔۔ حسبِ ذائقہ

سیاہ مرچ پاؤڈر ۔۔۔۔۔۔ آدھا چائے کا چمچہ

گھی ۔۔۔۔۔۔۔۔۔ ایک کھانے کا چمچہ

ڈبل روٹی۔۔۔۔۔۔ ۔۔۔ ایک عدد

انڈے (پھینٹ لیں ) ۔۔۔۔۔۔۔۔ دو عدد

تیل ۔۔۔۔۔۔۔ تلنے کیلئے

ترکیب

ایک بڑے فرائی پین میں گھی گرم کر یں۔ اس میں میدہ ڈال کر ہلکی آنچ پر فرائی کریں ۔ فرائی پین کو چولہے سے ہٹا کر اس میں دودھ ، نمک اور سیاہ پاؤڈر ڈال کر مکس کر لیں اورچمچہ چلاتے ہوئے آنچ پر رکھ کر چند سیکنڈ پکائیں چولہا بند کر  دیں ۔ اس میں بند گوبھی ، گاجر ، شملہ مرچ ، ہری پیاز اور گوشت مکس کر دیں ۔ ڈبل روٹی کو گول یا حسبِ پسند شیپ میں کاٹ لیں۔ انڈو ں کو ایک اور بار پھینٹ لیں ۔ ایک سلائس پر گوشت اور سبزیوں کا  آمیزہ رکھ کر پھیلائٰیں ۔ اس پر انڈا لگائیں اور گرم تیل میں شیلو فرائی کریں اور کیچپ کےساتھ سرو کریں۔

Method(3)

ingredients

اجزاء:

چکن- ابلی ہوئی ایک کپ

کٹی کالی مرچ- ¼ چائے کا چمچ

سفید مرچ پاؤڈر - ¼ چائے کا چمچ

نمک - حسب ذائقہ

مکھن- ایک سے دو کھانے کے چمچ

انڈے- دو عدد

تیل - ایک کھانے کا چمچ

ڈبل روٹی

مایونیز

کھیرا

سلاد پتہ

پنیر

ٹماٹر

ترکیب:

پیالے میں چکن، کالی مرچ، سفید مرچ، نمک اور مکھن ڈال کر اچھی طرح مکس کریں اور سائڈ پر رکھ دیں۔

ایک چھوٹے پیالے میں انڈے، نمک ڈال کر مکس کریں۔

فرائی پین پر تیل لگائیں اور انڈا ڈال کر پکالیں اور سائڈ پر رکھ دیں۔

ڈبل روٹی کے کونے کاٹ لیں اور اس پر مایونیز لگاکر اوپر سے کھیرا اور چکن رکھیں۔

دوسری ڈبل روٹی کا سلائس اس پر رکھیں اور اس پر مایونیز لگائیں اور سلاد پتہ رکھیں، انڈا ڈالیں، پنیر، ٹماٹر رکھیں۔

پھر اس پر ایک اور مایونیز لگا بریڈ سلائس رکھیں۔

مکھن لگاکر سینڈوچ کو دونوں سائڈ سے گرل کرلیں۔

مزیدار کلب سینڈوچ تیار ہے، آلو کے چسپ کے ساتھ گھر والوں کے سامنے پیش کریں۔