چکن نگٹس

                                چکن نگٹس

Ingredients

اجزا

مرغی کا (بغیر ہڈی کا گوشت): آدھا کلو

نمک: حسب ذائقہ

پسا ہوا لہسن: 1 کھانے کا چمچ

پسی ہوئی سفید مرچ: آدھا چائے کا چمچ

سرکہ: 2 سے 3 کھانے کے چمچ

سویا سوس: 2 کھانے کے چمچ

میدہ: 1 پیالی

مکئی کا آٹا: آدھی پیالی

تیل: حسب ضرورت

انڈے کی سفیدی: 2 عدد انڈے

Method

ترکیب

سب سے پہلے گوشت میں نمک، لہسن، سفید مرچ، سرکہ اور سویا سوس لگا کر آدھے سے 1 گھنٹے کے لیے فریج میں رکھ دیں۔

آمیزہ بنانے کے لیے انڈوں کی سفیدی پھینٹ کر میدہ، مکئی کا آٹا، نمک اور سفید مرچ ملا لیں۔

اب اس میں پانی ڈال کر گاڑھا سا آمیزہ بنالیں اور چکن کی بوٹیاں اس آمیزے میں بھگو کر 15 سے 20 منٹ کے لیے فریج میں رکھ دیں۔

کڑاہی میں کھانے کا تیل درمیانی آنچ پر 3 سے 5 منٹ گرم کر کے چکن نگٹس کو سنہری ہونے تک فرائی کرلیں اور ٹشو پیپر پر نکال لیں۔

گرما گرم چکن نگٹس تیار ہیں۔ ٹماٹو کیچپ کے ساتھ پیش کریں۔